తిరుపతి జిల్లా గ్రామీణ వారసత్వంపై సమగ్ర మోనోగ్రాఫ్ ను ఆవిష్కరించిన జిల్లా కలెక్టర్ డా.ఎస్.వెంకటేశ్వర్
తిరుపతి, సెప్టెంబర్ 19: తిరుపతి జిల్లా గ్రామీణ ప్రాంతాల్లోని చారిత్రక, సాంస్కృతిక, పురావస్తు మరియు పర్యాటక ప్రాధాన్యత కలిగిన వారసత్వ సంపదను సమగ్రంగా నమోదు చేస్తూ రూపొందించిన “తిరుపతి జిల్లా గ్రామీణ వారసత్వం” మోనోగ్రాఫ్‌ను జిల్లా కలెక్టర్ ఎస్. వెంకటేశ్వర్ శనివారం ఆవిష్కరించారు.District Collector Dr. S. Venkateswar Unveils Comprehensive Monograph on Tirupati District’s Rural Heritage
ఈ సందర్భంగా జిల్లా కలెక్టర్ మాట్లాడుతూ, జిల్లాలోని గ్రామీణ ప్రాంతాల్లో విస్తరించి ఉన్న 52 ముఖ్యమైన వారసత్వ, పర్యాటక మరియు పురావస్తు ప్రాధాన్యత కలిగిన కట్టడాలు, ప్రదేశాలు, నిర్మాణాలను ఈ మోనోగ్రాఫ్‌లో సమగ్రంగా నమోదు చేశారన్నారు. ఆయా ప్రాంతాల చారిత్రక నేపథ్యం, ప్రాధాన్యత, ప్రత్యేకతలతో పాటు అక్కడి వారసత్వ సంపదకు సంబంధించిన వివరాలను ఇందులో పొందుపరిచారని తెలిపారు. చారిత్రక ప్రాధాన్యత కలిగిన కట్టడాలు, పురావస్తు ప్రదేశాలు, పర్యాటక ఆకర్షణలు, సంప్రదాయ నిర్మాణాలతో పాటు ఆయా ప్రాంతాల్లో తరతరాలుగా కొనసాగుతున్న వారసత్వ సంప్రదాయాలు, ఆచారాలు, సాంస్కృతిక అంశాలు, స్థానిక జీవన విధానం తదితర అంశాలకు సంబంధించిన సమాచారాన్ని కూడా ఈ మోనోగ్రాఫ్‌లో పత్రబద్ధీకరించారని తెలిపారు.
గ్రామీణ ప్రాంతాల్లోని చారిత్రక, సాంస్కృతిక మరియు పురావస్తు సంపదను గుర్తించి, వాటికి సంబంధించిన సమాచారాన్ని సమగ్రంగా సేకరించి, డాక్యుమెంట్ చేయడం అభినందనీయమన్నారు. జిల్లాలోని గ్రామీణ వారసత్వ సంపదను పరిరక్షించడంతో పాటు, దాని ప్రాధాన్యతను ప్రజలకు తెలియజేయడంలో ఇటువంటి ప్రచురణలు కీలకంగా ఉపయోగపడతాయని పేర్కొన్నారు. మోనోగ్రాఫ్ రూపకల్పనలో కృషి చేసిన జిల్లా పంచాయతీరాజ్ శాఖ అధికారులు, సిబ్బందిని జిల్లా కలెక్టర్ అభినందించారు. వివిధ గ్రామీణ ప్రాంతాల నుంచి సంబంధిత సమాచారాన్ని సేకరించడం, సమన్వయం చేయడం, పరిశీలించడం మరియు పత్రబద్ధీకరించడంలో అధికారులు, సిబ్బంది చేసిన కృషిని ఆయన ప్రశంసించారు.
ఈ మోనోగ్రాఫ్ అధికారులు, చరిత్రకారులు, పరిశోధకులు, విద్యార్థులు, పర్యాటకులు మరియు ప్రజలకు విలువైన సమాచార వనరుగా ఉపయోగపడనుందన్నారు. జిల్లాలోని గ్రామీణ వారసత్వ సంపదను పరిరక్షించడం, ప్రచారం చేయడం మరియు భవిష్యత్ తరాలకు అందించడంలో ఈ ప్రచురణ దోహదపడనుందని తెలిపారు. తిరుపతి జిల్లాలోని గ్రామీణ ప్రాంతాల చారిత్రక, సాంస్కృతిక, పురావస్తు మరియు పర్యాటక వైభవాన్ని వెలికితీసి, వాటిని సమగ్రంగా పత్రబద్ధీకరించడంలో ఈ మోనోగ్రాఫ్ ఒక ముఖ్యమైన ముందడుగుగా నిలుస్తుందని జిల్లా కలెక్టర్ పేర్కొన్నారు.District Collector Dr. S. Venkateswar Unveils Comprehensive Monograph on Tirupati District’s Rural Heritage
ఈ కార్యక్రమంలో జిల్లా పంచాయతీ అధికారి సుశీలాదేవి, టూరిజం ఆర్ డి రమణ ప్రసాద్, జిల్లా టూరిజం అధికారి జనార్ధన్ రెడ్డి పాల్గొన్నారు.
డి.ఐ.పి.ఆర్.ఓ. తిరుపతి